Ehhh Ik heb nog geen goede reactie binnen omtrent het plaatje van gisteren. Zelfs Wim kwam aan het twijfelen. Is het nou Mark of Gerhard? Jullie krijgen een herkansing…
En wieter….in Diny’s plakbook met olde foto’s kwam ik dissen ok tegen. D’r onder ston: de auto van Hendrik Jan. Ik zatte al te prakkezeern: Den had toch een motor? Toch had ik em al in et mepken met Bieënhof- Eggink opeslagen.
Ik bedenke mie noe dat et wel Hendrik Jan Groot-Nuelend mot weane.. A-k et good hebbe zee ik tante Jo in et midden zitten. Ach jao…! En wie zee ik daor achter et stuur zitten? Kiek toch es an. ’t Kon haoste neet anders: Ome Bram. De techniek zat ‘r toen bi-j um al in.. Ik geleuve noe dat disse foto bi-j et oldershuus van de Groot Nuelends emaakt is, maor wie et better wet mag et zeggen. Misschien zit tante Riek van Ruuterkamp d’r ok nog wel b-j in. Dat was ja een zuster van disse Hendrik Jan.
Ergens in de dertiger jaoren mot disse foto enommen wean. Ik hebbe d’r gin sjoege van, maor zol et een Ford wean?