Wet i-j wel dat onze auto al dree jaor old is? Kiek es bi-j de buurn.
[i]Hebt dee zich dan alweer een ni-jen aneschaft?[/i]
Waor doot ze’t toch van? Hee is toch ok maor vuulnisman.
[i]Wet i-j trouwens dat zee pas naor ’t zeekenhuus ewes is.[/i]
Ik wisse helemaole neet dat zi-j zeek was. Wat had ze?
[i]Zee wol ’t gat in eur hand dichte laoten maken, maor ’t was te groot.[/i]
Dah kan’k noe gewoon neet uutstaon. Wat verbeeldt dee leu zich wel!
[i]Dee wilt ons de ogen d’r mee uutstekken, maor wat zee könt , könne wi-j ok.[/i]
Hoe dan? Wi-j mot al krabben en bieten um rond te kommen.
[i]Drek surf ik naor poskrediet veur een goedkope lening.[/i]
Dah wodt dan onze vierde lening. Kan’k wel dag en nach werk’n.
[i]Kan neet schealen. Dee leu zegt toch nooit nee.[/i]
Dan bun’k wel beniejd hoevölle da-w nog könt lenen.
[i]Let op: binn’n drie wekke steet hier een dikke es u vee veur de deure.[/i]
’t Zal wel een es u nee wodden. Dah vin ’k ok neet slim.
[i]As ik naor de beauty-farm mot, wil ik goed veur de dag kommen.[/i]
En? ….Wat steet der op et scherm?
[i]Der steet:”Zelfs postkrediet verstrekt een vierde lening niet”.[/i]
Now jao zeg…
Vrij vertaald in het Achterhoeks.
Uit Liemerse Dialogen
van Geert Roelofs