Hetty Site

Earpels krabb’n

Zo ging dat vrogger. Earpels krabben neumen wi’j dit.
Ik schat dat et hier ende 6oer jaoren is.
Thee of koffie drinken op ’t land was efkes ruste. Tante Jantjen zit daor met eur theepötjen op schoot. Tante Jo zit d’r bi’j en buurman Johan Braakhekke. Den rechtsen kenn’n Jopie neet. Daor mo’w maor naor raojen.
En ’t peerd wacht rustig af veur de stortekarre. De vrouwluu hadd’n vake zon rooien of blauwen zaddook op ’n kop. Dan kree’j de heure neet zo vet onder de koe of stoffig op ’t land. ’t Hundjen lig mooi an de veute van tante Jantje en allemaole zit ze op een zak of mande met earpels. A’t ze een mande vol hebt geet et in zakken. Jao…. zo ging dat vrogger.