Bij de F-jes nog geen probleem.
Op de Spreukenkalender kwam ik de volgende dialoog tegen, oorspronkelijk in het Liemers, maar nu dan vertaald in het Achterhoeks.
Met een man die zoveel mogelijk voetbal wedstrijden op tv volgt en een paar zonen èn kleinzoon die voetbalminded zijn spreekt zoiets altijd aan…. toch?:
Langs de lijn
Ah, bu-j d’r ok weer. Ik hebbe oe veleen wekke emist. Waor heb i-j ezetten?
[i]Dat za’k oe vertell’n. Nao de wedstrijd van drie wekke elene, ha-k ’t efkes helemaole ehad.[/i]
Hoe ha-j dat dan? Ze heb nog wel ewonn’n. Dat moch ok wel onderhand.
[i]Ik hebbe mien zitt’n verkniep’n oaver onze zogenaamde supporters. Dah lek toch nargens op.[/i]
Ie-j bedoelt dat ‘r een paar et veld op vloagen um de scheidsrechter efkes de oarne te wass’n?
[i]Krek! Dat zol ik noe nooit doone. Wacht effen … hee scheids.. mo-j mien brille lenen?[/i]
Hee hef et toch good ezeen. Volgens mien spölde dat jong gewoon de bal, niks loos.
[i]Niks loos? Bi-j oew is d’r nooit wat loos. Hee maeiden vampres òaver de balle.[/i]
Let maor op ’t spel. As ze zo blieft spöll’n völt ‘r drek een goal an de verkeerde kante.
[i]Onze Piet hef de bal. Kiek ém gaon. Scheet’n Piet! Ze legt ém neer. Oewoehoe, pinantie![/i]
Waor gao i-j dan hen? Drek legt ze oew nog plat.
[i]Kan mien niks schealen. Ze mot van Piet afbliev’n.[/i]
Vijf minuten later.
Bu’j d’r al weer? Wat is t’r met oew gebeurd? Ik wisse neet dat ie-j met een blauw oge geboren waren.
[i]Ik leep op ’n verkeerden af. Den werd lillek en sloog mien metene de döppe dichte.[/i]
Ik zag t’r ok al een paar van ’t bestuur bi-j loop’n. Wat hadden dee dan?
[i]O, dee. Dee zoll’n ’t veurval besprekk’n. Ik mag twee jaor neet meer op ’t veld komm’n. Stelletje amateurs.[/i]
Geert Roelofs