Nog een pennevrucht van Grada’s moeder!
Historisch
Hi’j ging nog naor de ULO
Hi’j was pas veertien jaor
Het was een leuke jongen
Met donker krullend haor.
Hi’j mog van Moe niet roken
Dat von ze echt niet goed
Mor ook hi’j dee et stiekem
Zo at de meesten doet.
Mor op een mooien mergen
Zat Jopie op de fiets
– op weg naor school, – te dampen
Opens heuren hi’j iets.
Zien Moeder fietsen naost um
Ze mos naor ’t postkantoor
Hi’j gauw de sigaret weg
Hoe? – dat was geen bezwaor.
Hi’j stok zien sigaretjen
-nog brandend – in zien zak
Zien moe bleef naost um fietsen
Joop niks op zien gemak.
Zi’j had ens niet vernommen
Wat Jopie had gedaon
Ze kwammen op et kruuspunt
Waor Jopie af mos slaon.
Hi’j vulen zich, – allene –
Beheurlijk opgelucht
Toch schamen kleine Jopie
Zich daoraover geducht.
Mor toen e ’s middags thuus kwam
Uut school, – schrok hi’j zich naar
Hi’j wier een heel groot brandgat
In d’aoverjas gewaar.
En ook zien blauw colbertje
Was daonig angetast
Dat Moeder et zol merken
Ston now wel veur em vast.
Dus is e met de brokken
Naor Moeder toegegaon
En Joop hef – tot op heden –
Niet weer zo dom gedaon.