Hetty Site

Ach… vrogger hè?!

Bij het laten zien van deze foto aan een kleinzoon:
‘Jao …. vrogger toen opa nog jong was… wie-j wonen toen nog op Top…toen ha’k een motor. Ik had em aoverenommen van Jopie. Dat was mien een motor.. een BSA uut 1944….gloepens hard kon e.. hier aover de Schoneveldsdiek Hoeoeoeoe…! Die krieg ie tegeswoordig niet meer en zeker niet veur dat geld. Wat zeg ik.. geld? Ik heb em met Joop eruild tegen mien fietse.
Joop had em in Geesteren bi-j Borculo zeen staon, waor hee peerde mos beslaon en toen inens zag e dissen staon, half onder ’t stro.
De koop was gauw veur mekare en hee kreeg waorempel nog een oefenvergunning um te oefenen hier op de Schooneveldsdiek. Ku’j ’t oe veurstellen?
Maor toen nao een tiedjen.. ik had d’r al langer een oge op, toen had e meer belang bie-j een goeie fietse. Ha… en toen was ik an de beurte.
Wat zeg ie-j mien jong? Waor as dat e noe is…? Tja……daor vraog ie mien wat….

Voor de complete BSA : zie weblog 2—- 8-12- 2011
foto’s: Henk Braakhekke