Hetty Site

Opoe uut Barchem

Opoe uut Barchem was zee veur ons. Hier steet ze met eur hundjen bi-j de zieddeure zoas ze dat geerne dee, want de echte veurdeure werd allene bi-j biezundere dagen gebruukt.
Opoe heel van lechte kleuren en eur scholk was meestal helderblauw. Ston eur mooi. De klompen hadden van dee leertjes aover de wreef, deejen ze neet zeer bi-j ’t lopen
’t Melkrikke d’r achter was weer klaor veur de volgende melkenstied. Opoe en opa kregen 10 kinder waoronder mien vader Hendrik Jan.
Opa zei wel es: ‘Mien kinder bunt de grootste riekdom in mien laeven’. Ome Bram , den jongsten zei later dan:’Maor mien moder had d’r ’t meiste werk van.
Misschien he-j ’t al deur: ik holle van foto’s waor a-j een verhaal achter zeet.