Eén van de verhalen in de Drentse streektaal van Geert Hanken.
Het gebeurde weer aan de kant van het Scholtenskanaol. Wat kuj met het vissen soms mooie dingen beleven. Veur mij is het dan een kunst um daor een humoristisch verhaal van te maken. Humor is een spellegie waor aj in gedachten een verhaal van maakt en dan later op papier zet. Zo ontstaot mien schriefwark met soms starke verhalen. Gien wonder, want visserlaotien bestiet nog aaltied; wat niet wegnimt dat dit verhaal op waorheid rust.
In dit verhaal komt een jonger echtpaar bij mij aan de waterkant te zitten. Zie gungen niet te ver van mij af zitten, zodat een vispraottie meugeluk was. Het vispraottie bestiet miestal uut: Heij ook beet had en hoeveul heij al vangen.
Verder gung ieder zien gang (vissen).
Tiedens het vissen wordt visvoer klaor maakt. Het water, wat ik gebruuken mus, haar ik metnummen in een vierkante fles (Bokma). Je kunt je niet veurstellen meênsen hoeveul die fles bekend is. Jan, Piet en Klaos wet wat erin zeten hef.
Drank wordt niet zo vaak bij het vissen gebruukt, mar ja ….. je weet mar nooit. Oaldere mannen hebt soms de naam dat ze nog wel es een rare streek uuthaalt. Zo ook dizze keer. Ik begunde direct het spel te speulen m.a.w. ik dee net of mien buren niet muggen zien wat ik dee (wat water uut de fles drinken). Argens smeuk dat water ook nog lekker. Ja…..en de buren, die kregen alles met. Er kwam bij heur een heerlijke ontspannen glimlach met een man die fluusterde: “Wij hebt een aold zoepertie in de buurt".
Zo ontstun bij mij weer een nei verhaal. Toch wel geinig um op dizze manier een spel te speulen. Nao een poossie heb ik de buren de waorheid verteld en…. zie vunnen de humor toch wel mooi. Waor humor niet goed veur is.
Nog een aardige Drentse uitdrukking:
Hij löt zich gien varkens um de keet jagen.
-hij maakt zich niet snel ergens druk om-